आग्नेयपाठः - पञ्चम खण्डः

ए᳒नावो᳒अग्नि᳒न्ना᳒मा॑सा । ऊर्जो᳹नापातामाहू॑वे । प्री᳒यञ्चेतिष्ठामारातिं᳹स्वाध्वारं᳒ । विश्वा॑स्यादूता᳸मामृत॑म् ॥ १ ॥

ए᳒नावो᳒अग्नि᳒न्ना᳒मा॑सा । ऊर्जो᳹नापातामाहू॑वे । प्री᳒यञ्चेतिष्ठामारातिं᳹स्वाध्वारं᳒ । विश्वा॑स्यादूता᳸मामृत॑म् ॥ १ ॥

शे᳒षेवा᳒ने॑षूमातृ॑षु । स᳒न्त्वामर्क्ता॑सइन्धते । आत॑न्द्रोहव्यं᳒वा॑हसिहाविष्कृताः॑ । आ᳒दि᳒द्देवेषु॑राजसि ॥ २ ॥

अ᳒द॑र्शीगातूवि᳒क्ता॑मः । यस्मि॑न्व्राता᳹न्याद᳒धुः᳒ । ऊपोषूजाता᳹मा ᳹र्यास्यावार्थानं । अ᳒ग्नि᳒न्ना॑क्षन्तूनोगीराः॑ ॥ ३ ॥

अग्नी᳒रूत्थेपूरो᳒हितः᳒ । ग्रावा॑णोबर्हीरा॑ध्वारे᳒ । ऋचा᳒या॑मिमरुतोब्रह्मणस्पते । देवंआ᳒वोवा᳒रेण्यम् ॥ ४ ॥

अग्नी᳹मीळिष्वा᳒वा॑से । गा᳒था॑भीश्शीरा᳒शो॑चिषं । अ᳒ग्निं᳒राये᳒पू॑रूमिढाश्रूतन्ना᳒राः॑ । अग्निस्सू॑दीताये᳹च्छार्दिः ॥ ५ ॥

श्रूधि᳒श्रुत्कर्णावन्ही॑भिः । देवैरा॑ग्ने᳒सायावा॑भिः । आसी॑दतुबर्ही᳒षी॑मित्रो᳹अर्यामा । प्रात᳒र्या᳒वा॑भीराध्वारे᳒ ॥ ६ ॥

प्रदै᳒वो॑दासोअग्निः । दे᳒वइन्द्रोनाम᳒ज्मा᳒ना । आ᳸नू᳒मातारं॑पृथिवींवीवा॑वृते । तस्थौ᳹ना ᳹का॑स्याशर्माणि ॥ ७ ॥

आधा॑ज्मो᳒आधा॑वादी॑वः । बृ᳒हातो᳹रो॑चानाद᳒धी॑ । आया᳒वा᳸र्धस्वा᳒तन्वा᳒गीरा᳒मामा । आजाता᳒सूकृतॊ॑पृणा ॥ ८ ॥

काया॑मानोवा᳒नात्वं᳒ । य᳸न्मा॑त्ररा᳒ज॑गन्नापः᳒ । ना᳒ताक्ते॑अग्नेप्रामृ᳹षेनीवार्त्ता॑नं । य᳒द्दूरेस᳒न्नी᳒हाभूवः ॥ ९ ॥

नित्वा॑माग्ने᳒मानू॑र्दधे । ज्यो᳒तीर्ज॑ना॑याशा᳒श्वा॑ते । दीदेथाक᳹ण्वऋताजातउक्षीतः । यन्ना॑मास्य᳹न्तीकृष्टायाः ॥ १० ॥